Չեխիայում ՀՀ դեսպանության պատվավոր հովանու ներքո «Նաղաշ» նվագախմբի համերգը Ռուդոլֆինումում

27 հունվարի, 2020

Հունվարի 27-ին Չեխիայում ՀՀ դեսպանության պատվավոր հովանու ներքո Պրահայի Ռուդոլֆինումի Յոզեֆ Սուկի անվան սրահում ամերիկահայ հայտնի կոմպոզիտոր Ջոն Հոդյանի ղեկավարությամբ կայացավ Հայաստանից ժամանած «Նաղաշ» նվագախմբի հիասքանչ համերգը։ Համերգին ներկա գտնվեցին դեսպան Աշոտ Հովակիմյանը տիկնոջ հետ՝ դեսպանության անձնակազմի ուղեկցությամբ և Չեխիայում հայ համայնքի բազմաթիվ ներկայացուցիչներ։ Սրահում զգալի էր չեխ և օտարերկրյա հանդիսատեսի ներկայությունը, ովքեր իրենց համար յուրովի բացահայտեցին հայ հոգևոր և ժողովրդական երաժշտության ժամանակակից դրսևորումները։ Ջոն Հոդյանը համերգի ընթացքում հանդիսատեսին ներկայացնում էր Նաղաշի կյանքն ու ստեղծագործությունը, հայ ժողովրդի վերապրած արհավիրքները և նվագախմբի կայացման պատմությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր